Zhvillohet vizita monitoruese për Projektin Erasmus + “T@SK”

Stafi i ZKE+ ndërmori vizitën monitoruese për projektin Erasmus + “Drejt rritjes së ndërgjegjësimit, përgjegjësisë dhe cilësisë së punës sociale – T@SK. Ky aktivitet u zhvillua në mjediset e Fakultetit të Shkencave Sociale të Universitetit të Tiranës më datë 28 Qershor 2018 dhe në mjediset e Universitetit të Shkodrës “Luigj Gurakuqi” më datë 10 Korrik 2018.

Projekti 3 vjeçar T@SK (2017-2020) synon përforcimin dhe modernizimin e Sistemit Shqiptar të Shërbimeve Sociale nëpërmjet modernizimin e Arsimit të Lartë në fushën e punës sociale dhe lidhjen e tij me mjedisin e punës duke nxitur bashkëpunimin ndërmjet institucioneve akademike dhe profesionale evropiane të fushës.

Projekti koordinohet  nga Universiteti i Firences, në Itali dhe përfshin 7 institucione partnere nga Italia, Spanja, Portugalia dhe Shqipëria. Universiteti i Tiranës, Universiteti i Shkodrës “Luigj Gurakuqi” dhe Universiteti i Elbasanit “Aleksandër Xhuvani” janë partnerët shqiptarë në projekt.

Për më tepër informacion: http://www.taskproject.eu/

Zhvillohet vizita monitoruese për Projektin Tempus “SPEED”

Stafi i ZKE+ ndërmori vizitën e impaktit të projektit Tempus SPEED. Ky aktivitet u zhvillua në dy takimeve të veçanta, të mbajtura në ambientet e Universitetit të Sporteve të Tiranës, më datë 9 korrik 2018 dhe në ambientet e Universitetit “Luigj Gurakuqi’ të Shkodrës, më datë 10 korrik 2018.

Projekti 3 vjeçar SPEED mbështeti reformën akademike në fushën e shkencave sportive, duke përfshirë IAL-të e vendeve të Ballkanit Perëndimor përtej konflikteve ekzistuese, ndikoi në uljen e tensioneve dhe fuqizimin e harmonizimit në rajon, në përputhje me politikat e zgjerimit të BE-së.

Projekti u koordinua nga Universiteti i Romës “Foro Italico” dhe përfshiu  Universitetin e Sporteve të Tiranës, Universitetin e Shkodrës, Universitetin e Elbasanit,  Universitetin e Prishtinës, Universitetin e Beogradit, Universitetin e Nishit, Universitetin e Novi Sadit, Universitetin Kombëtar & Kapodistrian te Athinës, Universitetin e Danimarkës Jugore dhe Universitetin e Vienës.

Për më shumë informacion:  http://tempus-speed.eu/ 

Zhvillohet vizita monitoruese për Projektin Erasmus + “EduLAw”.

Stafi i ZKE+ ndërmori më 28 qershor 2018, vizitën monitoruese për projektin Erasmus + “Futja e moduleve të së drejtave dhe ligjit në  formimin e mësuesve dhe shkencat edukative – EduLAw”. Ky aktivitet u zhvillua në mjediset e Fakultetit të Shkencave Sociale të Universitetit të Tiranës.

Projekti 3 vjeçar EduLAw (2016-2019) synon përmirësimin e formimit të mësuesve për zhvillimin e të drejtave në shoqëri dhe trgun e punës dhe rritjen e nivelit të njohurive dhe aftësive në IAL-të duke zhvilluar module të reja on-line dhe programe novatore për formimin e mësuesve.

Projekti koordinohet  nga Universiteti i Lirë i Brukselit, në Belgjikë dhe përfshin 11 institucione partnere nga Beligjika, Polonia, Lituania, Bjellorusia, Rusia, dhe Shqipëria. Universiteti i Tiranës dhe Universiteti i Durrësit janë partnerët shqiptarë në projekt.

Për më tepër informacion:  http://edulaweu.eu/

Zhvillohet vizita monitoruese për Projektin Erasmus + “Master në Inovacionet Europiane për një Menaxhim të Qëndrueshëm të Territoreve Shqiptare, zonave rurale dhe bujqësisë: Instrumentet, politikat, strategjitë –SmartAL”

Stafi i ZKE+ ndërmori vizitën monitoruese për projektin Erasmus + SmartAL. Ky aktivitet u zhvillua në mjediset e Universitetit Europian të Tiranës më datë 1 Qershor 2018 dhe në mjediset e Zyrës Kombëtare Erasmus + më datë 7 Qershor 2018.

Projekti 3 vjeçar Smart AL (2017-2020) synon të adresojë nevojat e reja të tregut të punë në fushat e administrimit të territorit, politikave bujqësore, zhvillimit rural dhe inovacionii nëpërmjet përmirësimit të ofertës akademike dhe mjeteve të tjera.

Projekti koordinohet  nga Insituti Agronomisë Mesdhetare të Montpelliesë, në Francë dhe përfshin 7 institucione partnere nga Franca, Greqia, dhe Shqipëria. Universiteti Bujqësor i Tiranës, Universiteti i Korçës dhe Universiteti Europian i Tiranës janë partnerët shqiptarë në projekt.

Zhvillohet vizita monitoruese për Projektin Erasmus + “Integrim dhe vlerësim i njohurive të sipërmarrjes në inxhinieri dhe shkenca kompjuterike – REBUS”

Stafi i ZKE+ ndërmori më 1 Qershor 2018, vizitën monitoruese për projektin Erasmus + REBUS. Ky aktivitet u zhvillua në mjediset e Universitetit Europian të Tiranës.

Projekti 3 vjeçar REBUS (2016-2019) synon zhvillimin, testimin, vlerësimin, integrimin gjithëpërfshirës dhe nevojat që nxisin modulet e hapura mësimore për të promovuar aftësitë sipërmarrëse të të diplomuarëve në Shkenca Kompjuterike, inxhinieri dhe shkenca të tjera teknike, si një ndërthurje e edukimit akademik dhe mësimëdhënies në praktikë të koncepteve të biznesit.

Projekti koordinohet  nga Universiteti i Sarajevos në dhe Bosnjë dhe Hercegovinë dhe përfshin 14 institucione partnere nga Bosnjë dhe Hercegovina, Italia, Gjermania, Austria, Rusia, Kosova, Mali i Zi dhe Shqipëria. Universiteti i Elbasanit dhe Universiteti Europian i Tiranës janë prtnerët shqiptarë në projekt..

Për më tepër informacion: http://www.rebusproject.net

Zhvillohet seminari kombëtar HERE “Zgjerimi i rolit të studentëve në manaxhimin dhe qeverisjen e IAL-ve”.

Zyra Kombëtare Erasmus + në bashkëpunim me ekspertët Erasmus+ për Reformat në Arsimin e Lartë (HERE) organizoi më datë 24 Maj 2018, në ambientet e Universitetit Politeknik të Tiranës, seminarin kombëtar me temë “Zgjerimi i rolit të studentëve në manaxhimin dhe qeverisjen e IAL-ve”. Punimet e aktivitetit u përshëndetën nga Zv. Ministri i Ministrisë së Arsimit, Rinisë dhe Sportit, Z. Ervin Demo.  

Ky aktivitet mblodhi mbi 50 drejtues, pedagogë, punonjës  të zyrave të karrierës, përfaqësues të strukturave studentore dhe studentë të universiteteve të vendit të cilët

reflektuan dhe diskutuan mbi pengesat, hapat dhe mekinazmat e nevojshme për rritjen e angazhimit të studentëve në strukturat vendimarrëse, sigurimin e cilësisë dhe jetën universitare. Gjithashtu ku aktivitet shërbeu për të ndarë me të pranishmit dhe praktikat e mira evropiane të zbatuara për rritjen e rolit të studentëve në menaxhimin dhe qeverisjen e IAL-ve. Rekomandimet e dala në përfundim të aktiviteit do t’i përcillen Ministrisë së Arsimit, Rinisë dhe Sportit.  

Bashkëlidhur gjeni prezantimet dhe dukumentat mbështetëse të diskutuara gjatë  seminart HERE  “Zgjerimi i rolit të studentëve në manaxhimin dhe qeverisjen e IAL-ve”.

Developing Student Engagement – Eve Lewis

Enhancing the student role in HEIs governance

Konkluzione, Seminari HERE “Rritja e rolit të studentëve në qeverisjen dhe menaxhimin e IAL-ve”

Students and their Support

Ftesë e hapur për pjesëmarrje në Seminari kombëtar HERE “Zgjerimi i rolit të studentëve në manaxhimin dhe qeverisjen e IAL-ve”.

Zyra Kombëtare Erasmus + në bashkëpunim me ekspertët Erasmus+ për Reformat në Arsimin e Lartë (HERE) ka kënaqësinë t’ju ftojë në seminarin kombëtar me temë “Zgjerimi i rolit të studentëve në manaxhimin dhe qeverisjen e IAL-ve” që do të mbahet ditën e enjte, më datë 24 Maj 2018, ora 9:30, në ambientet e Universitetit Politeknik të Tiranës (salla Silvano Pedrollo).

 

Objektivat kryesore të Seminarit HERE përfshijnë:

 

–       Zbatimin e kërkesave të LAL për rolin e studentëve në IAL-të;

–       Rritjen e angazhimit të studentëve në strukturat vendimarrëse të IAL dhe të sistemit të AL;

–       Diskutimin  për organizimin e sondazhit kombëtar të studentëve;

–       Shkëmbimin e  mendimeve, ideve  dhe përvojave  lidhur me zbatimin e mekanizmave formalë dhe informalë të angazhimit të studentëve;

–       Diskutimin mbi zhvillimin e një kulture institucionale të përfshirjes së studentëve

–       Diskutimin  mbi rolin e studentëve në sigurimin e cilësisë në IAL-të;

–       Paraqitjen e praktikave të mira dhe konkrete evropiane për angazhimin e studenteve dhe të shoqatave të tyre;

–       Diskutimin e disa rezultateteve të pyetësorit për përfaqesuesit në senat në IAL-të publike;

–       Dhënien e rekomandimeve për përmirësime të mëtejshme në rritjen e rolit të studentëve në IAL-të;

 

 

Ju mirëpresim !

Zhvillohet vizita monitoruese për Projektin Erasmus + “Zhvillimi dhe zbatimi i kurrikulës së multimedias dhe televizonit digjital – DIMTV”.

Stafi i ZKE+ ndërmori më 10 Maj 2018, vizitën monitoruese për projektin Erasmus + DIMTV. Ky aktivitet u zhvillua në ambientet e Universitetit Aleksandër Moisiu të Durrësit. 

Projekti 3 vjeçar DIMTV (2017-2020), mbështet modernizimin dhe zbatimin e kurseve  në degën e multimedias dhe televizonit digjital në Shqipëri dhe Kosovë.

Projekti koordinohet  nga Universiteti Aleksandër Moisiu të Durrësit në Shqipëri dhe zbatohet në partneritet me Universitetin e Lubjanës, Universitetin e Tartusë, Universitetin Teknik të Ostravës, Universitetin Epoka, Universitetin e Prishtinës, Universitetin për Biznes dhe Teknologji të Prishtinës dhe Radio Televizionin Shqiptar.

Për më tepër informacion: http://dimtv.al/

Zhvillohet vizita monitoruese për Projektin Erasmus + “Avancimi i të diplomuarve dhe zhvillimi i kapaciteteve universitare në Shqipëri – GRADUA”.

Stafi i ZKE+ ndërmori më 26 Prill 2018, vizitën monitoruese për projektin Erasmus + GRADUA. Ky aktivitet u zhvillua në ambientet e Fakultetit të Ekonomisë dhe Agrobiznesit, të Universitetit Bujqësor të Tiranës. 

Projekti 3 vjeçar GRADUA (2017-2020), mbështet nëntë universitete shqiptare në avancimin e të diplomuarve dhe zhvillimin e kapaciteteve të tyre nëpërmjet krijimit të platformës për përputhjen e kërkesës së tregut të punës dhe ofertës akademike, lehtësimin e bashkëpunimit mes IAL-ve dhe biznesit, lehtësimin e vendosjes së të diplomuarve në tregun e punës etj.

Projekti koordinohet  nga Universitetit Bujqësor të Tiranës në Shqipëri dhe përfshin 16 institucione partnere në Spanjë, Portugali, Itali, dhe Shqipëri.  

Zhvillohet vizita monitoruese për Projektin Erasmus + “IT Governance for Albanian Universities – ITG4AU”.

Stafi i ZKE+ ndërmori më 12 Prill 2018, vizitën monitoruese për projektin Erasmus + ITG4AU. Ky aktivitet u zhvillua në ambientet e Fakultetit Ekonomik, të Universitetit të Tiranës. 

Projekti 3 vjeçar ITG4AU (2017-2020), mbështet Universitetin e Tiranës, Universitetin Politeknik të Tiranës, Universitetin Europian të Tiranës dhe Universitetin e Durrësit në zhvillimin, përshtatjen dhe zbatimin e një modeli ITG-je për universitetet e tyre dhe rritjes së kapaciteteve në këtë fushë.  

Projekti koordinohet  nga Universiteti i Ishujve Baleare në Spanjë dhe përfshin 8 institucione partnere në Spanjë, Gjermani, Norvegji, dhe Shqipëri.  

Për më tepër informacion: http://itg4au.uib.eu/